Кыргыз Республикасынын Улуттук банкынын Талас областтык башкармалыгынын өкүлдөрү,  2025-жылдын  15-апрелинде Глобалдуу акча жумалыгы – 2025 иш-чарасынын алкагында, Талас областынын Манас районунун Арал айылынын А.Усенбаев атындагы орто мектебинин жогорку класстарынын окуучуларына көчмө лекция өткөрдү.

Лекцияда улуттук валютабыз – кыргыз сомунун калыптануу тарыхы, финансылык пландаштыруунун жана калктын финансылык сабаттуулугун жогорулатуунун зарылдыгы жана мааниси, ошондой эле QR-код колдонуу аркылуу төлөмдөрдү жана акча которууларды өнүктүрүү, телефон чалуу аркылуу алдаган шылуундардан сак болуу чаралары жөнүндө маалымат берилди.