2025-жылдын 16-апрелинде Кыргыз Республикасынын Улуттук банкы Бишкек шаарынын мэриясынын көмөгү менен «Бишкек жылуулук тармагы» муниципалдык ишканасынын кызматкерлери үчүн финансылык сабаттуулук боюнча семинар өткөрдү.

Иш-чаранын алкагында катышуучулар финансылык сабаттуулук деген эмне экендигин билип, калктын финансылык сабаттуулугун жогорулатуу боюнча мамлекеттик программалар жөнүндө маалымат алышты.

Практикалык бөлүгүндө катышуучулар менен жеке бюджетти жүргүзүү, каражат топтоолорду түзүү, карыз алуу зарылчылыгы, инвестициялоо куралдары, финансылык коопсуздук чаралары маселелери талкууланып, финансылык сабаттуулугун жогорулатуу боюнча электрондук ресурстар жөнүндө маалымат берилди.

Иш-чара активдүү талкуу формасында өтүп, анын жүрүшүндө катышуучулар өздөрүн кызыктырган суроолорго жооп ала алышты.

Семинарга 50гө жакын адам катышты.